Montsame agensy - МАХН, АН СУУДЛАА ХУВААЛАА

Улаанбаатар /МОНЦАМЭ.Г.Урантуяа/ МАХН-ын ерөнхий нарийн бичгийн дарга Ё.Отгонбаяр өнөөдрийн 13 цагт мэдээлэл хийж энэ удаагийн сонгуульд МАХН ялалт байгуулсан нь тодорхой болсныг зарлалаа.
Урьдчилсан байдлаар МАХН-аас нэр дэвшигчдийг 9 аймагт багаар нь дэмжсэн байна. Одоогоор зөвхөн хөдөө орон нутгаас 38 нэр дэвшигч ялалт байгуулжээ. Үүнд Баян-ӨлгийдХ. Баделхан, Х.Жекей, А.Телехан, Булганд Э.Мөнх-Очир, Ц.Цэнгэл, Говь-Алтайд Ц.Дашдорж, Ж.Энхбаяр,Дундговьд Х.Наранхүү, Р.Раш, Завханд Д.Балдан-Очир, Д,Оюунхорол, Ш.Сайхансамбуу, Сүхбаатарт Р.Буд, Ч.Улаан, Төв аймагт Н.Энхболд, М.Энхболд, Су. Батболд, Д.Дондог, Увс аймагт Ц.Нямдорж, Ч.Хүрэлбаатар, Б.Чойжилсүрэн, Хэнтийд Н.Ганбямба, Б.Бат-Эрдэнэ, Д.Арвин, Баянхонгор аймагт Г.Занданшатар, Дорноговьд Ж.Батсуурь, Дорнод аймагт Д.Одбаяр, Ц.Шинэбаяр, Дархан-Уул аймагт Ж.Сүхбаатар, Д.Хаянхярваа, Орхон аймагт Д.Дамба-Очир, ӨмнөговьдХ.Бадамсүрэн, Өвөрхангайд Д.Лүндээжанцан, Сэлэнгэд О.Чулуунбат, Ховд аймагт С.Бямбацогт, Д.Дэмбэрэл, Хөвсгөлд Ө.Энхтүвшин, Ц.Даваасүрэн нар тус тус ялалт байгуулаад байгаа тухай сүүлийн үеийн мэдээ гарсан байна.
МАХН-ын ерөнхий нарийн бичгийн дарга Ё.Отгонбаяр тус намын бодлого зорилт, нэр дэвшигчдийг дэмжиж байгаа ард түмэндээ болон гишүүд дэмжигчиддээ талархаж байгаагаа илэрхийлсэн юм.

Энэ удаагийн сонгуульд ард иргэд хэдий идэхитэй оролцож байсан ч эргээд нөгөө нэг МАХНам, АНамаас нэр дэвшигч Монголын төрийг уландаа гишгэсэн Олигарх-ууд гарчихлаа ахиад олиггүй дөрвөн жилийг угтаж байна даа андууд минь. Юу болохыг хараад сууна гэдэг хүндхэн л асуудал болж байна даа.

Read More

FTP тухай

File Transmission Protocol нь TCP протоколын бvрэлдэхvvн протокол бєгєєд vйл ажиллагаа нь 2 сувгаар явагдана.
1. Удирдлагын суваг
2. Єгєгдєлийн суваг

• Удирдлагын суваг нь 21 портыг ашигладаг ба FTP холбооотой бvх комманд нь энэ сувагыг ашигладаг vvнд. Файл хvсэх комманд, файл илгээх комманд гэх мэт зєвхєн файл дамжуулахтай холбоотой бvх комманд энэ сувгаар єгєгдєлєє дамжуулна
• Єгєгдлийн суваг нь 20 портыг ашигладаг ба Клиент Сервэр машинуудын хооронд файл солилцоно.

FTP тєрєл 2 тєрлийн файл дамжуулах арга байдаг бєгєєд идэвхтэй /аctive/, идэвхгvй /passive/ нэрлэдэг.

Идэвхтэй файл фамжуулалт гэдэг нь Сервэр нь файл дамжуулалтыг 20 портоор vvсгэж клиент рvv дурын портоор дамжуулалтыг гvйцэтгэнэ. Єєрєєр хэлбэл дамжуулалт сервэр хийж гvйцэтгэнэ.

Идэвхгvй файл дамжуулалт гэдэг нь Клиент нь файл дамжуулалтыг дурын портоор vvсгэж сервэр рvv дурын портоор дамжуулалтыг гvйцэтгэнэ. Єєрєєр хэлбэл дамжуулалтыг клиент хийж гvйцэтгэнэ.

Идэвхтэй файл дамжуулалтын алхамууд

1. Клиентvvд нь удирдлагын сувагаар 21 портыг ашиглан Сервэртэй холбогдоно. Ингэснээр та сервэр дээр комманд биелvvлэх боломжтой болно. Жишээ ls буюу файлын байршилыг харах, get буюу файл дамжуулах коммандыг биелvvлэх гэх мэт.

2. Файл дамжуулах коммандыг удирдлагын сувгаар єгсєний дараа сервэр файл дамжуулалтыг 20 портоор vvсгэж клиент 1024 дээш аль нэг портоор файлыг хvлээн авна.

3. Файл дамжуулалт хийгдэх буюу єгєгдлийн суваг ажиллаж эхэлэхэд удирдлагын сувагын холболт тасарна.

Идэвхгvй файл дамжуулалтын алхамууд

1. Клиентvvд нь удирдлагын сувагаар 21 портыг ашиглан Сервэртэй холбогдоно. Ингэснээр та сервэр дээр комманд биелvvлэх боломжтой болно. Жишээ ls буюу файлын байршилыг харах, get буюу файл дамжуулах коммандыг биелvvлэх гэх мэт.

2. Файл дамжуулах коммандыг удирдлагын сувгаар єгсєний дараа клиент файл дамжуулалтыг дурын портоор vvсгэж /1024 дээш аль нэг дурын порт/ сервэр дурын портоор файл хvлээн авна.Идэвхтэй файл дамжуулалт зарим тохиолдолд vvрэгээ гvйцэтгэж чаддагvй учир сервэр болон клиентvvдийн хооронд галт хана /firewall/ -аар хамгаалалт хийгдсэн тохиолдолд харин идэвхгvй файл дамжуулалтын арга файл дамжуулалтыг хийж чадна. Учир нь хамгаалалтын системvvд нь ихэнхидээ upload урсгалыг сайн хянадаг оршино.Windows системvvд ихэнхидээ идэвхитэй файл дамжуулалтыг дэмждэг ба Линукс Unix системvvд нь идэвхгvй файл дамжуулалтыг ашигладаг.

FTP хандалт

FTP хандалт нь ердийн /regular/ ба дурын /anonymous / хандалт гэж ангилдаг ба ердийн хандалт гэдэг нь хэрэглэгчийн нэр /username/, нууц vг /password/ сервэр рvv хандаж файл фамжуулалтыг гvйцэтгэнэ харин дурын хандалт нь хязгаарлалт байхгvй дурын хэрэглэгч дамжуулалтыг гvйцэтгэж чадна.

Read More

Cisco vйлдлийн систем vндсэн ойлголт

Cisco router нь єєрийн vйлдлийн системтэй бєгєєд тvvнийг нь Cisco Internetwork Operating System ба Cisco IOS гэж нэрлэдэг. IOS нь GLIs /Command Line Interface’s/ бєгєєд 2 тvвшний хэрэглэгчийн хандалттай байдаг.

1. User >
2. Privileged #

User тvвшин нь зєвхєн Cisco vйлдлийн системийн тохиргоог харах vvрэгтэй мєн privileged хэрэглэгч рvv нэвтрэх гvvр болж єгдєг.

Privileged тvвшин нь рутерийн бvх тохиргоо хийх, коммандыг биелvvлэх єндєр эрхтэй хэрэглэгч юм.

User хэрэглэгчээс Privileged хэрэглэгч рvv шилжихдээ доорхи коммандаар шилжэнэ.

Router> enable

Password

Router#

Харин Privileged-ээс User руу шилжихдээ

Router#disable

Router>

Удахгvй та бvгдэд Cisco router-ийн тохиргоо, коммандын талаар бичих болно

Read More

ЕРӨНХИЙЛӨГЧ АРД ТҮМЭНДЭЭ ХАНДАЖ ҮГ ХЭЛЛЭЭ

Улаанбаатар. /МОНЦАМЭ. Албан/ УИХ-ын ээлжит сонгуультай холбогдуулан Монгол Улсын Ерөнхийлөгч Н. Энхбаяр ард түмэндээ хандаж радио, телевизээр үг хэллээ. Эрхэм хүндэт сонгогчид оо,

Сонгуулийн бүх шатны хорооны гишүүд ээ,

Манай орны улс төрийн амьдралын энэ жилийн онцлох үйл явдлын нэг - УИХ-ын ээлжит сонгуулийн санал хураах өдөр хоёрхон хоногийн дараа болох гэж байна.

Монгол Улсын "Мянганы хөгжлийн зорилтод суурилсан Үндэсний хөгжлийн цогц бодлого" -ын зорилтыг хэрэгжүүлэх ажлыг эрчимтэй эхлүүлж, эхний үр дүнг нь богино хугацаанд гаргахад шийдвэрлэх үүрэг гүйцэтгэх ёстой УИХ-ыг сонгож байгуулах гэж байгаагаараа энэхүү ээлжит сонгууль нэн хариуцлагатай бөгөөд онцлогтой юм. Энэ удаагийн 3лсын Их Хурлын ээлжит сонгуульд 10 гаруй нам, эвслээс болон бие дааж нэр дэвшсэн 350 гаруй нэр дэвшигчид УИХ-ын сонгуулийн 26 тойрог дээр өрсөлдөж, өнөөдөр хуулийн дагуу сурталчилгаагаа өндөрлөх гэж байна. Сонгууль бол манай иргэд Үндсэн хуулиар олгогдсон сонгох, сонгогдох эрхээ эдэлж, төрийг удирдах хэрэгт шууд оролцох өргөн боломжийг нээж өгдөг улс төрийн эрх, эрх чөлөөний нэгэн чухал баталгаа мөн. Гэхдээ ард түмэн дөрвөн жилд нэг л удаа УИХ-ыг сонгож, төрийн их үйл хэргийг шийддэг бөгөөд оновол хөгжил дэвшил эрчимтэй урагшилдаг, алдвал мөн төдий хэмжээгээр ухардаг болох нь та бидний туулж өнгөрүүлсэн он жилүүдийн туршлага, сургамжаас бэлхнээ харагддаг. Иймд манай сонгогчид улам ухааран хэрсүүжиж, өмнөх сонголтуудынхаа оноо, алдааг эргэцүүлэн тунгааж, тун хариуцлагатай сонголт хийнэ гэдэгт Төрийн тэргүүн би итгэж байна.

Парламентын гишүүнд тавигддаг хууль тогтоох хийгээд улс төр, эдийн засаг, төрийн удирдлагын талаархи мэдлэгийн шалгуурыг хангасан, ашиг сонирхлын зөрчлөөс ангид байж, аливаад улсынхаа эрх ашгийг урьтал болгох, түмний итгэлийг даах чадвартай, сонгогчдоо хүндлэх соёлтой, ам, ажил хоёр нь зөрдөггүй, гарын бэлтэй гэхээсээ гавлын тэнхээтэй, ажил амьдралын зохих дадлага туршлагатай, бас эрч хүчтэй хүмүүсийг шилж сонгож нэр дэвшүүлэх нь улс төрийн нам, эвслүүдээс төрийн шинэчлэлд оруулах түүхэн гавъяа байх болно гэж би Улсын Их Хурлын хаврын чуулганы нээлтэд хэлсэн үгэндээ цохон тэмдэглэсэн. Одоо нэр дэвшигчид хийгээд нам, эвслийн чансааг сонгогчид л тодорхойлох үлдлээ. Авиа гаргах ам байвч ачаа даах тэнхээгүй, эе эвийг гэхээсээ эвдрэл самууныг урьтал болгодог хүмүүс гарч ирж, түмэн олон төр, засгийг бүү үймүүлээсэй гэж сонгогчид хүсч байгаа нь ойлгомжтой. УИХ-ыг улс төр-бизнесийн бүлэглэлээс ангид цэвэр байлгах нь ч бас нийгмийн захиалга болжээ. Учир иймээс улс орны эрчимтэй хөгжлийн хувь заяаны төлөө хоёргүй сэтгэлээр зүтгэж, зүтгэлээ ажил амжилт болгож чадах, ир нь ханаж бэлтгэгдсэн, итгэл үнэмшил нь олонд үнэлэгдэж танигдсан, оюунлаг, туршлагатай, шудрага хүмүүс сонгогдож Улсын Их Хурлыг бүрдүүлээсэй хэмээн би хүсч байна.

Сонгуулийн Ерөнхий хороо хуульд заасан үүргээ нямбай гүйцэтгэж сонгуулийн бүхий л үйл ажиллагааг хууль, тогтоомжийн дагуу алдаа мадаг огт гаргалгүй өндөр хэмжээнд зохион байгуулах ёстой.

Сонгогчид саналаа өгөхөд хөндлөнгөөс шахалт дарамт үзүүлэх, санал тоолох болон дүнг нэгтгэх ажлыг будлиантуулах, санал хураалтыг хүчингүй болгуулахыг оролдох зэрэг зохисгүй үйлдэл бүрийг цаг тухайд нь таслан зогсоож, нэн хариуцлагатай ажиллахыг бүх шатны засаг захиргааны ба хууль сахиулах байгууллагууд, сонгуулийн хороод, тэнд төрийн нэрийн өмнөөс ажиллаж буй бүх хүнд онцгойлон анхааруулъя.

Нөгөө талаас, сонгуулийн хороодын үйл ажиллагааг үл тоомсорлох, түүнийг хууль ёсны бус мэт ойлголтыг олон нийтэд төрүүлэх, элдэв хууль бус шахалт үзүүлэх гэж оролдох нь сонгогчдын идэвхийг сулруулж, тэдний санаа бодлыг хоёрдуулах, талцуулах байдалд хүргэхээс эхлээд хожмын уршигт үр дагавартай болохыг бас хаана хаанаа анхаарвал зохино.

Манай орны нийт сонгогчид оо,

Эцсийн эцэст сонгуулийн үр дүнгийн сайн, мууг амсах жинхэнэ эзэд нь сонгогчид билээ. Худал, хийсвэр үг яриагаар урвуулан татах, мөнгө төгрөг, эд хөрөнгөөр авлигадах, архи дарсаар тал засах гэх мэт урьд өмнөх сонгуулиудын үеэр хэрэглэгдэж байсан, сонгогчдыг басамжилсан элдэв башир арга энэ удаа ч давтагдаж байгаа талаар сонгуулийн кампанит ажлын үеэр хангалттай ярьж, бичлээ. Тийм учраас сонгогчид маань Үндсэн хуулиар олгосон төрийг төлөөллийн байгууллагаараа уламжлан удирдах хамгийн нандин чухал эрхээ энэ мэт амьдралд нэмэргүй, алс хэтдээ хор болж, хөгжлийг туших зүйлээр арилжиж худалдахгүй, дээр хэлсэн шалгуураар нэр дэвшигч болгоныг дэнсэлж, дээд хөгжилд чухам хэн хөтөлж чадах вэ гэдгийг цэгнэж, ёстой л долоо хэмжиж, нэг огтлохын зарчимаар сонголтоо хийж, "олны хүч оломгүй далай" гэдгийг харуулах цаг болсныг сануулж байна.

Та биднийг эвийн тэнгэр ивээж, сонгууль шударга, сонголт мэргэн болох болтугай.

Read More

CISCO -ийн хичээл Packet tracer prodram CCNA, CCNP хичээл router switches configs

Tridum ХХК нь CISCO -ийн албан ёсны төлөөлөгчийн газар

Read More

Нэгнийгээ яльгүй будилахад нь ухамсрын шанаа хүртээж ухааны нь эргүүг гаргачихаад хөтлөлцөөд явчих юм.

Дааган мориндоо сундалдан давхиж даалимбан дээлээ хуваан нөмөрч өссөн эртний хоёр анд тэврэлдэн уулзав. Манан хөөрөг гар дамжиж мань хоёр намтар түүх дэлгэн хуучилж гарав.

Тэдний яриаг инээдэм наргиан, баяр бахдал, харамсал гашуудал, бас хэдэн жил ч гэхнээ амьд явахсан гэсэн хүсэл шунал хачирлан чимэглэнэ. Ойролцоох зоогойд морилж тав таван жил амьд яваа гэж залбиран тавь тавин грамм сархад өргөн ерөөлийн үг урсаж ертөнцийн жаргал мандан байхуй мөчид чөтгөрийн атаархал завсраар нь шургах нь тэр…

Өндөр өвгөний зантгар нударга намхан өвгөний нармайн тус падхийн тусахуй дор улаан шунх ширээнээ под под дусалж, усан болор жүнз шалнаа жингэнэн бутрав. Мэдээж цагдаагийн газар, эрүүлжүүлэх, байцаалт мэдүүлэг…

-Энэ муу эргүү толгойт зөрүүдлэснээс ийм хэрэг мандав. Миний буруу.

-Аль нь их вэ, ахиуг нь сонго гэж энэ лүд үлгэр оньсого таалгаад…

-Нэг сая их үү, нэг сая таван зуун мянга нь их үү? гэж үүнээс асуусан чинь “бодъё” гэж өврөөсөө тооны машин гаргаж пээдийгээд дургүй хүргэчихгүй юү?

-Одоо би ойлгосоон. АН-ын нэг сая яах вэ. Түүнээс таван зуун мянган төгрөгөөр илүү Ах намын нэг сая таван зуун мянгыг нь хүртье. Авсан бол өгдөг нь жам. Саналаа ч өгье!

-Багадаа сургуулийн тооны аварга шүү юм байсан гэсэндээ зөв хариу гаргалаа.

-Унаган найзаасаа жавтийг хүртэж байж ухааны самуурал арилав. Одоо хоёр ах нь зам хазайхгүй ээ. Явах уу даа…

Үгүй энэ өвгөд үү. Нэгнийгээ яльгүй будилахад нь ухамсрын шанаа хүртээж ухааны нь эргүүг гаргачихаад хөтлөлцөөд явчих юм. Монгол ухаан л юм даа… гэж цагдаа залуу бясалгасаар хоцорвой.

Read More